أيوه إحنا المصريين مختلفين عن الآخرينالمصري هو اللّي :
ممكن يعدي التلاتين ولسه عايش مع أمه وأبوه وماعندهومش
مشكلة
----------------------------------
بيفهم في الطب ويشخص المرض ويوصفلك الدواء وبيفهم في النقاشة
والكهرباء وتصليح العربيات والطبيخ والسياسة والكورة.....
وهو أبيض ياورد
-------------------------------------------------------
بيحط الريموت كونترول في كيس بلاستيك
----------------------------
يقف يتكلم على الباب نص ساعة
بعد إنتهاء الزيارة والسلامات
-----------------------------------------------
لمّا تفتح نملية المطبخ هتلاقي عنده عشرين برطمان بتاع مربى
فاضي بقالهم سنين ومازال مُصِر على جمع المزيد
-------------------------------------------
ويفتكر إن ده عادي ييجي بعد ميعاده بساعتين
----------------------------------------------------------
لسه عنده إصرار إنه يتكلم بصوت عالي في
التليفون لما تكون المكالمة دولية عشان التاني يسمعه
-------------------------------------------------------------------------------
أفضل واحد في الشراء والفصال وبعد كده يكتشف إن الحاجة في المحل اللي جنبه أرخص من
غير فصال يعتبر نفسه ما عرفش يفاصل
-------------------------------------------------------------------------------
بيحتفظ بأكياس محلات اللبس والأحذية وورق الهدايا تحت
مرتبة السرير لسنوات طويلة ومابيستخدمهاش
-----------------------------------------------------------
عنده صينية مكسرات متقسمة لتلات -
او أربع أقسام لزوم المزاج وعمره ماإستخدمها
--------------------------------------------------------
بيكون عنده شواية لزوم -
للرحلات أقصى استخدام لها كان مرة واحدة في العيد
-------------------------------------------------------------------------
بيشيل طابع
البريد من على الظرف لو الختم ماكانش عليه
-------------------------------------------------------
بيفتكر إن أي حد بيشتغل
في دول الخليج بيغرف فلوس من غير حساب
----------------------------------------------------
بيكون مشغول بقيمة التيبس أو
البقشيش طول العشاء ياترى ربع جنيه ولا نص جنيه ولا...
-------------------------------------------------------------------
برده بيتخانق ساعة
دفع الحساب بحرارة شديدة على إنه هو اللي لازم يدفع
-----------------------------------------------------------------
بيفرش ملاية سرير على طقم
الأنتريه عشان يفضل نضيف لما ييجي الضيوف ومابيشيلهاش لمايجوا
----------------------------------------------------
والأهم إنه اللي بيحب يسخر من نفسه ومن بلده وحكامه بس
مايطيقش حد تاني يسخر منهم ، وساعتها بيفرش له الملاية
---------------------------
ويغنى ويقول المصريين أهما
موضوع: أيوه إحنا المصريين مختلفين عن الآخرين 
الإثنين أبريل 14, 2008 3:22 pm